ALBERTON-Witgoud Bybelstudiegroep van die Alberton NG Kerk–Wes, het op 29 September ’n heerlike lentefees gehou vir al die lede.
Die groep het braaivleis en lekkernye geniet en gekuier dat die biesies bewe. Die gasspreker, Veli Ndaba, het ’n oorsig gelewer oor sy boek, You are born to win, en Joey Basson het twee geestelike liedere, wat sy self gekomponeer het, en twee goue oues gesing. Die fees is gereël deur Ronnie Martin.
Die Witgoud Bybelstudiegroep ontmoet elke Woensdagoggend by die kerk. Om aan te sluit skakel Ronnie Martin, by 082 895 9616.