ALBERTON- Daar is altyd iets nuut en interessant by enige VLU vergadering, en die dames van die VLU Wildekastaiingtak was weer lekker kreatief.
Die gasvrou vir die tak se vergadering op 5 Mei, Mandie van Niekerk, het die lede gewys hoe om die mooiste deurstoppers van materiaal en krale te maak.
Mandie en Elize Dickson het in 2014 dié vaardigheid tydens ‘n VLU werkswinkel aangeleer, en dit met die dames kom deel.
Die VLU het ook by die jaarlikse konferensie twee skrywers van die jaar aangekondig, naamlik; Wilna Adriaanse en Lauren Beukes.
Sandra Badenhorst, die vise-voorsitter, het oor die skrywers gesels en van hul boeke is uitgestal.
Die Wildekastaiings vergader weer op Dinsdag, 2 Junie, vanaf 18:30 in die NG Kerk Alberton-Oos se saal. As jy belangstel om aan te sluit, skakel vir Ilonka Brits by 011 813 2038, of stuur vir haar ‘n e-pos by ilonkabrits@gmail.com.
