Sonskyntak word gemeenskapsbewus
As deel van die VLU omgewings bewustheid program het Marihet Infantino van AMCARE die VLU Sonskyntak dames 18 Mei toegespreek oor die probleme in ons gemeenskap.
ALBERTON- Sosio-Ekonomiese probleme plaas ongelooflike stremming op die ontwikkeling en welsyn van inwoners van verskeie gemeenskappe.
As deel van die VLU se program om meer bewus te word van wat in hul omgewing aangaan, het Marihet Infantino, van AMCARE, die VLU Sonskyntak dames op 18 Mei toegespreek.
Marihet het die vroue bewus gemaak van die sosiale probleme wat die gemeenskappe van Alberton, en die res van Suid-Afrika, moet aanpak en oplossings vind.
Baie mense is nie bewus van die groot impak van sulke probleme op ‘n gemeenskap nie.
Marihet het geraak aan kinder- en vrouemishandeling en verduidelik dat drank en dwelms dié probleme vererger.
Die VLU Sonskyntak vergader weer op 15 Junie, om 09:00, in die NG Kerk Verwoerdpark se saal.
Nuwe lede is altyd welkom. Indien jy sou belangstel om lid te word van die tak, skakel gerus vir Dalien Groenewald by 011 869 7483.
