Local newsNews
Helpende Hand hou Winterfees
Die seisoen begin eersdaags draai en met die winter op pad, loods Helpende Hand Gauteng-Suid reëlings vir ‘n groot Winterfees.
Hierdie feestelikheid op Saterdag, 16 Mei, by die pragtige klipkerk in Heidelberg, Hendrik Verwoerd Rylaan, Heidelberg beloof om iets vir almal te hê.
Bo en behalwe heerlike eetgoed sal daar slegs tuisgemaakte, unieke, interessante en goeie gehalte produkte by die stalletjies te koop aangebied word.
Stalletjies is beskikbaar teen R250 en uitstallers moet hul eie tafels, stoele en gazebo voorsien.
Met die bespreking van jou stalletjie moet daar kennis geneem word dat dié gelde voor 17 April inbetaal moet wees – geen betaling, geen stalletjie. Bankbesonderhede vir betaling van stalletjies is as volg: SHH Gauteng Suid, FNB Centurion, rekeningnommer: 623 464 282 97, takkode: 250655.
Vir meer inligting bel Judie 083 454 7326.
