ALBERTON – “‘n Vol naskool is ‘n seën uit God se hand,” sê Alida Jooste, maatskaplike werker en programbestuurder van Ligstad. “Dit beteken dat die projek die gemeenskap van Alberton-Noord binne hierdie deel van Ligstad se bediening, maksimaal kan bedien. Soos die gemeenskap van Alberton egter bewus is, funksioneer die projek grootliks met die hulp van vrywilligers vanuit die gemeenskap, wat graag wil diens doen binne hulle gemeenskap.”
Met die vol naskool is Ligstad afhanklik van genoeg vrywilligers. Genoeg vrywilligers dra daartoe by dat individuele aandag aan die kinders gegee kan word wanneer hulle huiswerk doen.
Die gemeenskap word versoek om Alida Jooste te bel by 079 693 3666 indien hulle beskikbaar is om hul tyd te gee in diens van Alberton deur betrokke te raak by Ligstad as ‘n vrywilliger. “Geen kwalifikasie is nodig om deel te raak van die projek nie, behalwe ‘n gewillige hart en ‘n behoefte om tot diens te wees,” sê Alida.