Lente feesvieringe by Mary Geldenhuys Klub

ALBERTON – Die lede het op 4 September lentedag gevier by die klub. Inwoners het die eer gehad om Mathys Roets te verwelkom as gaskunstenaar. Hy het pragtige liedjies gesing het en kitaar gespeel.

Heerlike versnaperinge is voorsien deur die Nederduitse Hervormde Kerk Alberton Wes.

Inwoners het deelgeneem aan ‘n fantasiekostuum-kompetisie en die wenners was: Eerste – Mev Theresa Roos, as Tannie Stienie van Agter elke man aangetrek het. Mev Anna Smit het tweede plek behaal, en sy het haar uitrusting Die Groen Dame gedoop. Mej Jeanetta Smith was die “Lady in Red” vir die dag en het vir haar die derde plek behaal.

Die klub wil graag aan ds. William Harmse en die gemeente dankie sê vir die heerlike eetgoed wat hul voorsien het.