Solidariteit Helpende Hand besoek DEOPR
Solidariteit Helpende Hand Alberton-tak het ‘n opvoering aangebied genoem ‘Die Boervrou en haar Volk’ at DEOPR.
![](https://images.caxton.co.za/wp-content/uploads/sites/35/2024/06/IMG_1328_80497.jpg)
Solidariteit Helpende Hand Alberton-tak het op 5 Junie ‘n opvoering aangebied genoem ‘Die Boervrou en haar Volk’, ‘n eenvrou-vertoning deur Sandra Taljaard.
Dit is aangebied in die saal van DEOPR sorgsentrum en lede van Mothwa, ‘n nabygeleë aftreeoord is ook genooi. Beide hierdie instansies is geleë in Johannesburg suid.
Besigheidslui van Alberton is ook in hul privaat hoedanigheid genooi om by te woon.
![](https://images.caxton.co.za/wp-content/uploads/sites/35/2024/06/IMG_1159_10143-e1717753432377-300x400.jpg)
Die agtergrond van die opvoering het die geskiedenis van die Voortrekkers uitgebeeld vanaf Jan van Riebeeck se aankoms in 1652, die 1838 Groot Trek uit die Kaap, die Zulu-oorlog in Natal en suid Vrystaat, die Anglo-Boereoorlog tot en met die Uniewording in 1961.
“Deel van die opvoering het ‘n danspaartjie in tradisionele Voortrekker volkspele drag ingesluit. Die geleentheid is afgesluit met heerlike warm sop voorberei deur DEOPR se kombuis met mosbolletjies en koek,” het Johan Olivier van Solidariteit Helpende Hand gesê.
Helpende Hand bedank die mede-borge, Pam Appelgryn van Avbob Alberton, Frans van Ons Winkel Alberton en personeel van Pick n Pay Steeledale vir hulle ondersteuning en bydraes wat die dag ‘n sukses gemaak het.
![](https://images.caxton.co.za/wp-content/uploads/sites/35/2024/06/IMG_9087_32738-520x390.jpeg)
“Sandra het ons herinner om nie te vergeet waar ons vandaan kom nie, en dat die geskiedenis belangrik en relevant bly.”
Helpende Hand takvoorsitter Ronelle Brand het beaam dat die tak net suksesvol met projekte kan voortgaan met die ondersteuning van lede en skenkers om die takfonds te versterk.
![](https://images.caxton.co.za/wp-content/uploads/sites/35/2024/06/IMG_1255_72209-e1717753474946-300x400.jpg)
Johan Olivier het benadruk dat DEOPR as aftreefasiliteit nog heelwat kapasiteit het vir plasings. Bejaardes en hul familie kan Hennie Els kontak by 083 592 8765.
Vir verdere inligting rakende Helpende Hand skakel Ronelle Brand by 064 085 0948.
![](https://images.caxton.co.za/wp-content/uploads/sites/35/2024/06/IMG_2265_80943-520x390.jpg)
![](https://images.caxton.co.za/wp-content/uploads/sites/35/2024/06/IMG_1245_32776-e1717753525840-300x400.jpg)